1. TAKOBI GAREJE( SHORT SWORD). Tarihin wannan Takobi ya nuna itace takobin da Sarkin Katsina Muhammadu Korau ya yanka Sanau. Sarki Sanau shine Sarki na karshe daga cikin  Sarakunan  Durbi Takusheyi ko kuma Durbawa. Sarki Korau shine Sarki na farko daga cikin zuruar Habe da sukayi mulki a Katsina. Korau  asalin zuruarsu Wangarawa ne  daga Kasar Mali, sun Fara Zama Yandoton Tsahe cikin  Jihar Zamfara ta yanzu. Acikin shekarar 1348 ne Korau yazo Katsina a matsayin Bako, ya tarar da al'adar Sarakunan Katsina ta Kokowa, watau duk shekara ana Kokowa   tsakanin Sarki da Wanda ya fito takara. Idan Sarki  ya yanka Wanda sukayi Kokowa zai ci gaba da Sarauta, idan Kuma aka yanka Sarki, to sai Wanda   ya yanka shi ya Zama Sarki. Korau yayi takara da Sarki Sanau, Kuma yanka shi da Takobi Gajere, wadda itace ake amfani da ita ranar nadin Sabon Sarkin Katsina har zuwa yanzu. Korau ya zama Sarkin Katsina Musulmi na farko. Ita wannan Takobin Gajere itace Sarkin Katsina yake rikewa ga hannun shi a ranar taron Sallah ko Durba. 

2. TAKOBI BEBE( THE DEAF ONE).     

    Itama tana daya daga cikin kayan  Gargajiya da Masarautar Katsina take amfani dasu a ranar nada Sabon Sarkin Katsina. Wannan Takobi Bebe Tarihinta ya nuna itace Takobin Sarkin Gobir Yakuba. Katsina sun kwaci wanna Takobin a Fagen Yaki, lokacin da aka kashe Sarkin Gobir  Yakuba, aka kwace Takobin aka taho da ita Katsin. Anyi wannan Yaki a lokacin Sarkin  Katsina Agwaragi.  An gano Takobin a  ofishin Sarkin  Katsina Magajin Haladu, Sarkin Katsina na karshe daga Habe, lokacin da Masu Jihadi suka Kori Habe  daga Katsina cikin shekarar 1807. Takobin ya zama bangare na kayayyakin Sarautar Katsina. 

3. TUKUNYAR KARFE. 

                Tukunyar Karfe tana daya daga cikin kayayyakin da ake amfani dasu wajen nada sabon Sarkin Katsina. Asalinta ta Sarki Korau ce(1348-1398). Korau Yana amfani da Tukunyar Karfe Yana dafama Mayakanshi dauri, domin su Kara kuzari wajen Yaki. Har ma anayi mashi kirari da Korau Mai Tukunyar Karfe. Tukunyar Karfe tana daya daga cikin kayan da ake amfani dasu  na Gargajiya wajen nadin Sabon Sarkin Katsina. 

4. GWAURON TAMBARI( BACHELOR DRUM). 

 Gwauron Tambari  na Katsina shine babban Tambari daga cikin Tamburan Katsina, Kuma yafi kowane Tambari Tsufa. Ada lokacin ana Yaki, ana amfani dashi don Kiran Mayaka. Misali ana Hawan itaciyar Bawada a rinka kada Gwauron Tambari don a Kira Dakarun Yaki. Ana buga Gwauron Tambari sau  goma Sha biyu, idan ana nada Sabon Sarkin Katsina, don girmama shi. Galadiman Katsina ne yake gudanar da wannan aikin.  Sannan Kuma  Tambura Yana bugashi sau (6) a ranar nada daya daga cikin Hakimman Karaga. Ana Kuma  bugashi a ranar nada Sarkin  Sullubawa da sauransu. 

  Wadannan sune kayan Gargajiya  da Masarautar Katsina take amfani dasu wajen nadin Sabon Sarkin Katsina. 

     Alokacin da mulki ya koma ga hannun Turawan Mulkin Mallaka a Katsina a shekarar 1903. Sai Turawan mulkin Mallaka suka  bullo da ba Sarki wata Sanda da suka zo da ita daga Kasar Ingila itace ake cema Sandar Girma. Turawan mulkin Mallaka basu amince da su bar Sarki da nadinsa na al'ada ba  don kada ya dauka shi keda mulki. Sai suka bullo ba Sarki wannan Sanda don  ya dauka cewa akwai fa na gaba dashi watau Rasdan, da D'O  da Gwamna. Sarki na farko da Turawa suka Fara ba Sandar Girma shine Sarkin Katsina Abubakar (1887-1905). Har ya zuwa yanzu  Gwamna Yana ba Sarki Sandar Girma, a ranar bikin nadin Sabon Sarkin Katsina. 

Alh. Musa Gambo Kkfar soro.